काठमाडौँ- सलमान खान र कट्रिना कैफ स्टारर एक्सन ड्रामा ‘टाइगर–३’ले चौथो दिन २०.५० करोड भारीय रुपैयाँ कलेक्सन गरेको छ । यो अघिल्ला तीन दिनको कलेक्सनको तुलनामा निकै कम हो ।
आइतबार ‘टाइगर–३’ले ४३ करोड, सोमबार ५८ करोड, मंगलबार ४३.५० करोड कलेक्सन गरेको थियो । प्रतिक्षित मानिएको यो चलचित्रले चार दिनमा १६५ करोड भारु कलेक्सन गरेको बलिउड सिनेमाका ट्रेड एनलाइसिस्ट तरण आदर्शले उल्लेख गरेका छन् ।
तरणले आईसीसी एकदिवसीय विश्वकपले ‘टाइगर–३’को बिजनेसलाई प्रत्यक्ष असर गरेको बताएका छन् । बुधबार बिहानको शोजमा दर्शकको उपस्थिति राम्रो भए पनि १ बजेपछि खेलले असर गरेको उनको भनाइ छ ।
तरणले भनेका छन्– टाइगर–३ को ओरालो यात्रा क्रिकेट म्याचमा रेकर्ड ब्रेक दर्शकको उपस्थिति मुख्य कारण स्पष्ट भएको छ ।
‘टाइगर–३’ले भारतीय समीक्षकहरुबाट राम्रो रेटिङ पाए पनि सिनेमाको वर्डअर्फ माउथ भने राम्रो छैन । जसका कारण राम्रो हाइप बनाए पनि सिनेमाले अपेक्षित व्यापार गर्न सकेको छैन ।
आइतबार लक्ष्मीपूजाको दिनबाट यो सिनेमा रिलिज भएको थियो ।
