काठमाडौँ – नेपाल आयाल निगमले पेट्रोलियम पदार्थको मूल्य बढाएको छ । निगमले सोमबार राति १२ बजेदेखि लागु हुनेगरी पेट्रोल, डिजेल र मट्टितेलको मूल्य प्रतिलिटर तीन रुपैयाँले बढाएको छ ।
निगमले हवाई इन्धन र एलपी ग्यासको मूल्य भने यथावत राखेको छ ।
वृद्धि गरिएको मूल्य सोमबार राति १२ बजेदेखि लागू भएकाे छ । निगमद्वारा जारी विज्ञप्तिमा भनिएको छ, “अनुमानित नोक्सानीको अवस्थालाई मध्यनजर गर्दै निगम व्यवस्थापनको २०७९/१०/२३ को निर्णयअनुसार पेट्रोल, डिजेल र मट्टीतेलको मूल्यमा प्रतिलिटर ३ रुपैंयाले बढाएको हो।
नयाँ मूल्यसँगै अब काठमाडौं उपत्यकामा पेट्रोल लिटरको १ सय ७८ रूपैयाँ र डिजेल तथा मट्टीतेल १७५ रूपैयाँ लिटर कायम हुनेछ।
निगमले भारतबाट पट्रोलियम पदार्थको मूल्य बढेर आएको र निगम घाटामा रहेकाले मूल्य बढाइएको जनाएको छ। अनुमानित नोक्सानीको कारण देखाउँदै निगमले एलपी ग्यासको मूल्य घटेर आएपनि अहिलेको मूल्य यथावत नै राखेको छ।
साथै निगमले भारतीय आयल कोर्पोरेसनको वक्यौता तिर्न सरकार उपलब्ध गराएको ऋण व्यवस्थापन गर्न अझै चुनौती रहेकोसमेत जानकारी दिएको छ।
