काठमाडौं – नेचुरल बचत तथा ॠण सहकारी संस्थाले नेचुरल जीवन सहारा बचत योजना अन्तर्गत जीवन चक्रका आवश्यकताहरुमा जोड दिदैँ नयाँ बचत योजना ल्याएको छ । बिहिबार एक कार्यक्रमको आयोजना गरी संस्थाका सचिव बिकल्प पाठकले नेचुरल जीवन सहारा बचत योजनाको बारेमा प्रष्ट पारेका छन् । ‘सदस्य सँग नेचुरल साकोस’ नाराका साथ सदस्य शिक्षा तथा अन्तरक्रिया कार्यक्रमको आयोजनाले सर्बसाधारणमा रहेको सहकारीप्रतीको भ्रम र अन्य सहकारीलाई जस्तै नेचुरललाई हेर्ने दृष्टिकोण पूर्णरुपमा समाप्त भएको र बचत तथा ॠण लगानी सन्दर्भमा सदस्यहरुमा आत्मबिश्वासको वातावरण बनेको कार्यक्रममा उपस्थित सदस्यहरुले बताएका छन् ।
मुख्यकार्यलय सहित ४ वटा सेवाकेन्द्र मार्फत सहकारीको क्षेत्रमा आफ्नो छुट्टै पहिचान बनाएको संस्थाले सो कार्यक्रममा काठमाण्डौंको नयाँबजार र कालिमाटी सेवाकेन्द्र अन्र्तगतका सदस्यहरुलाई आमन्त्रित गरेको थियो । काडाँधारी सेवा केन्द्र, साँखु सेवा केन्द्र र मुख्यकार्यालय अन्तर्गतका सदस्यहरुमाझ यो कार्यक्रम लागु भई सकेको सचिव पाठकले बताए । जन्म देखि मृत्यु सम्म सदस्यहरुको जीबनमा आईपर्ने हरेक क्रियाकलामहरुमा संस्था सँगैरहने यो कार्यक्रम सहकारीको माध्यमबाट सर्बसाधारण सम्म पुग्नु अती लाभदायक देखिन्छ । बिषेशतः संस्थाका व्यावसायिक सदस्यहरुलाई एक आपसमा परिचय गराई आवश्यकता र उपलब्धताको आधारमा एक अर्कोको व्यावसाय प्रर्वधनमा नेचुरल साकोसले ल्याएको अवधारणा उदाहरणीय बन्न सक्नेछ ।
कार्यक्रम मा धनश्याम नेपालले संस्थागत बृत्तचित्र मार्फत हाल संस्थाले हाँसिल गरेको उँचाईको बारेमा ब्यख्या गरेका थिए ।
