काठमाडौं- नेप्से परिसूचक गत सोमबारदेखि निरन्तर ओरालो लाग्न थालेको छ।
पछिल्ला दुई कारोबार दिनमा सामान्य अंक घटेको नेप्से, आज भने उच्च अंकले घटेको छ। नेप्से परिसूचक २ प्रतिशत अर्थात ३९.१५ अंक घटेर १९१७.२२ विन्दुमा झरेको छ। त्यसैगरी, सेन्सेटिभ इण्डेक्स ७.६८ अंक घटेको छ भने फ्लोट इण्डेक्स २.६८ अंक र सेन्सेटिभ इण्डेक्स २.७९ अंक घटेको छ।
नेप्से घटेपनि यस दिन कारोबार रकम भने बढेको छ। नेप्सेमा २२३ स्टकको १ अर्ब ४० करोड ७३ लाख ९५ हजार रुपैयाँ बराबरको ३६ लाख ९७ हजार कित्ता शेयर खरिदबिक्री भएको छ।
बुधबार अपर हेवाखोला हाइड्रोपावरको शेयरमूल्य सर्वाधिक ७।४२ प्रतिशत बढेको छ। त्यसैगरी, नबिल ब्यालेन्स्ड फण्ड ३ को इकाईमूल्य ४.३९ प्रतिशत बढेको छ भने मिर्मिरे माइक्रोफाइनान्सको शेयरमूल्य २.२२ प्रतिशत बढेको छ। अन्य स्टकको मूल्य वृद्धिदर भने २ प्रतिशतभन्दा कम रहेको छ। आज एक्सेल डेभलपमेन्ट बैंक, गुराँस लघुवित्त, उपकार लघुवित्त, प्रोग्रेशिभ फाइनान्स र सप्तकोशी डेभलपमेन्ट बैंकको मूल्य ७ प्रतिशतभन्दा बढी घटेको छ।
कारोबार रकमका आधारमा यस दिन नेष्डो समृद्ध लघुवित्त शीर्ष स्थानमा रहेको छ। सो लघुवित्तको यस दिन ६ करोड ७८ लाख रुपैयाँबराबरको शेयर खरिदबिक्री भएको छ। त्यसैगरी, यस दिन शिवम् सिमेन्ट्सको ६ करोडभन्दा बढीको शेयर कारोबार भएको छ भने हिमालयन डिष्टिलरी र नेपाल पुनर्बीमा कम्पनीको ५ करोडभन्दा बढीको शेयर किनबेच भएको छ।
१३ उपसमूहमध्ये सबै उपसमूहको परिसूचक ओरालो लागेको छ। जसमध्ये वित्त उपसमूहको परिसूचक सर्वाधिक ४.७३ प्रतिशत घटेको छ। त्यसैगरी, विकास बैंक उपसमूहको परिसूचक ३.१८ प्रतिशत घटेको छ भने होटल तथा पर्यटन, जलविद्युत, उत्पादन तथा प्रशोधन, अन्य, लघुवित्त, जीवन बीमा र लगानी उपसमूहको परिसूचक २ प्रतिशतभन्दा बढी घटेको छ।
