काठमाडौं – गत साता देखि निरन्तर ओरालो लागेको नेप्से सूचक छ कारोबार दिनमा ६४.६१ अंकले घटेको हो ।
गत साताको आइतबार नेप्से सूचक ६.६८ अंक बढेर १९७७.३० विन्दुमा बन्द भएको थियो । त्यस यता निरन्तर ओरालो लागेको नेप्से सूचक १३.५९ अंकले घटेर १९१२.६९ विन्दुमा झरेको हो ।
यस दिन २२५ कम्पनीको २६ लाख १३ हजार ४५० कित्ता शेयर किनबेच भएर ८३ करोड १६ लाख रुपैयाँ बराबरको शेयर खरिदबिक्री भएको छ । यो कारोबार रकम आइतबारको तुलनामा ८ करोड ४४ लाख रुपैयाँले मात्रै बढी हो ।
आइतबार २२१ कम्पनीको ७४ करोड ७२ लाख रुपैयाँ बराबरको २५ लाख २४ हजार कित्ता शेयर खरिदबिक्री भएको थियो ।
सोमबार म्युचुअल फण्ड उपसमूहको परिसूचकबाहेक सबै उपसमूहको परिसूचक ओरालो लागेको छ । म्युचुअल फण्ड उपसमूहको परिसूचक ०.२२ प्रतिशतले बढेको छ । ओरालो लागेका उपसमूहहरुमध्ये अन्य, हाइड्रोपावर र फाइनान्स उपसमूहको परिसूचक १ प्रतिशतभन्दा धेरैले घटेका छन् ।
आज २८ कम्पनीको शेयरमूल्य मात्रै बढेको छ । त्यसमध्ये सबै भन्दा धेरै युनाइटेड इदी मर्दी रहेको छ । युनाइटेड इडि मार्दीको शेयरमूल्य ४.१७ प्रतिशतले बढेको छ । सबै भन्दा धेरै शेयरमूल्य घट्नेमा भने सामुदायिक लघुवित्त वित्तीय संस्था रहेको छ । लघुवित्तको शेयर मूल्य ५.८७ प्रतिशतले घटेको छ । कारोबार रकमका आधारमा नविल बैंक शीर्ष स्थानमा रहेको छ । नविल बैंकको सबैभन्दा धेरै ४ करोड ७ लाख रुपैयाँ बराबरको शेयर कारोबार भएको छ । त्यसैगरी, रिडि पावर कम्पनी, हिमालयन डिस्टीलरी, अपी पावर र नेपाल पुनर्बीमा कम्पनीको २ करोड भन्दा बढीको शेयर खरिदबिक्री भएको छ ।
