काठमाडौं- नेप्से परिसूचक २७.७२ अंक बढेर २०६८.४२ विन्दुमा पुगेको छ। त्यसैगरी, सेन्सेटिभ इण्डेक्स ५.४१ अंक बढेको छ भने फ्लोट इण्डेक्स १.८१ अंक र सेन्सेटिभ फ्लोट इण्डेक्स १.६९ अंक बढेको छ।
नेप्सेसँगै कारोबार रकम पनि बढेको छ। अघिल्लो कारोबार दिन साढे १ अर्बभन्दा कमको शेयर कारोबार भएको बजारमा २२० स्टकको ४१ हजार ५७१ पटकको कारोबारमा २ अर्ब ५ करोड ७९ लाख रुपैयाँ बराबरको ५१ लाख १ हजार कित्ता शेयर खरिदबिक्री भएको छ।
बिहीबार नेप्से बढेसँगै ४ स्टकको शेयर सकारात्मक सर्किट लेभलमा कारोबार भएको छ। मन्दाकिनी हाइड्रोपावर, अपर सोलु हाइड्रो इलेक्ट्रिक, श्वेतगंगा हाइड्रोपावर र अपर हेवाखोला हाइड्रोपावरको शेयर १० प्रतिशत बढेको हो। त्यसैगरी, हिमालयन हाइड्रोपावर, बलेफि हाइड्रोपावर र मल्टीपर्पस फाइनान्सको शेयरमूल्य ८ प्रतिशतभन्दा बढी बढेको छ। सपोर्ट माइक्रोफाइनान्स र एनआईबिएल प्रगति फण्डको मूल्य ३ प्रतिशतभन्दा बढी घटेको छ।
कारोबार रकमका आधारमा रिडी हाइड्रोपावर शीर्ष स्थानमा रहेको छ। सो कम्पनीको १० करोड ४३ लाख रुपैयाँ बराबरको शेयर कारोबार भएको छ। त्यसैगरी, अपि पावरको करिब ८ करोडको शेयर खरिदबिक्री भएको छ।
बिहीबार १३ वटै उपसमूहको परिसूचक बढेको छ। जसमध्ये विकास बैंक र वित्त उपसमूहको परिसूचक ३ प्रतिशतभन्दा बढी बढेका छन्। त्यसैगरी, जलविद्युत र अन्य उपसमूहको परिसूचक २ प्रतिशतभन्दा बढी बढेको छ भने व्यापार, लघुवित्त, उत्पादन तथा प्रशोधन र लगानी उपसमूहको परिसूचक १ प्रतिशतभन्दा बढी बढेको छ।
