दुईपटक भाउ घट्दा पनि स्वचालित मूल्य प्रणालीको बारेमा चुपचाप निगम

भाउ बढेर आउँदा स्वचालित मूल्य प्रणालीका नाममा तत्काल भाउ बढाउने भाउ घट्दा स्वचालित मूल्य प्रणालीको बारेमा किन मौन छ निगम ?

काठमाण्डौं – एक महिनाको अवधिमा इन्डियन आयल कपेरिसन (आइओसी) बाट प्रतिलिटर पेट्रोलमा ३२ रूपैयाँ ५६ पैसा घटेर आएको छ ।

आईओसीबाट भाउ बढेर आउँदा स्वचालित मूल्य प्रणालीका नाममा तत्काल भाउ बढाउने नेपाल आयल निगम भने पछिल्लो एक महिनामा लगातार दुईपटक भाउ घट्दा पनि स्वचालित मूल्य प्रणालीको बारेमा किन मौन छ निगम ?

आईओसीले नेपाललाई बिक्री गर्ने पेट्रोलियम पदार्थको मूल्य घटाएर पठाएको यो दोस्रो पटक हो । प्रत्येक अंग्रेजी महिनाको पहिलो तथा पन्ध्रौं तारिखमा आईओसीले इन्धनको नयाँ मूल्य पठाउँछ ।

अन्तर्राष्ट्रिय बजारमा कच्चा तेलको मूल्य घट्न थालेपछि यसपटक १६ जुलाई तथा १ अगस्ट गरेर दुई पटक आईआसीले नेपालका लागि पनि मूल्य घटाएर पठाएको छ ।