काठमाडौं– साताको चार दिन निरन्तर उकालो लागेको सेयर बजार बिहीबार आएर घटेको छ।
आज नेप्से परिसूचक ५.९७ अंकले घटेर २०४४.७२ विन्दुमा पुगेको छ।
नेप्से घटेसँगै बुधबारको तुलनामा कारोबार रकम घटेको छ।आजको बजारमा १ अर्ब ६४ करोड बराबरको सेयर कारोबार भएको छ। बुधबार १ अर्ब ७३ करोड भन्दा बढीको कारोबार भएको थियो। सेन्सेटिभ इन्डेक्स पनि सामान्य अंकले ओरालो लागेको छ।
आज २२५ कम्पनीको ३९ लाख ८ हजार ३९५ कित्ता सेयर १ अर्ब ६४ करोड २६ लाख ४८ हजार ५८७ रुपैयाँमा खरिदबिक्री भयो। कुनै पनि कम्पनीको सेयर मूल्यमा सकारात्मक सर्किट लेभलमा कारोबार भएन। कारोबार रकमका आधारमा शिवम् सिनेमन्टस अग्रस्थानमा रह्यो। सो कम्पनीको १७ करोड बढीको सेयर कारोबार भयो।
कारोबारमा आएका १३ समूहमध्ये ११को सूचक घट्यो भने २ को मात्र बढ्यो।ट्रेडिङको सूचक सर्वाधिक १.५८ प्रतिशतले घट्दा लाइफ इन्स्योरेन्सको १.५२ र इन्भेस्टमेन्टको १.०७ प्रतिशतले सूचक ओरालो लाग्यो।
११ समूहको सूचक ओरालो लाग्दा बैंकिङको ०.१७ र आदर्शको १.०९ प्रतिशतले बढ्यो।
