काठमाडौं- सेयर बजार बढ्ने क्रम आइतबार पनि कायमै रहेको छ । नेप्से परिसूचक २.८४ प्रतिशत अर्थात ५७.६१ अंक बढेर २०८६.३८ विन्दुमा पुगेको छ। त्यसैगरी, यस दिन सेन्सेटिभ इण्डेक्स १०.२२ अंक बढेको छ भने फ्लोट इण्डेक्स ३.७० अंक र सेन्सेटिभ फ्लोट इण्डेक्स ३.०८ अंक बढेको छ।
२३१ कम्पनीको ६२ लाख २७ हजार कित्ता ६९२ कित्ता सेयर कारोबार भएको छ । ६ वटा कम्पनीको भाउ सर्किट लागेर बढेको छ । २२ करोड २८ लाख रुपैयाँभन्दा बढीसहित कारोबार रकममा ङादी ग्रुप पावर अग्रस्थानमा रहेको छ । यसैगरी, दोस्रो र तेस्रो स्थानमा क्रमशः हिमालयन डिस्टिलरी र शिवम् सिमेन्ट परेका छन् ।
आइतबार १३ वटै उपसमूहको परिसूचक बढेका छन्। जसमध्ये व्यापार उपसमूहको परिसूचक सर्वाधिक ९.३० प्रतिशत बढेको छ। त्यसैगरी, यस दिन जलविद्युत उपसमूहको परिसूचक ५.६३ प्रतिशत बढेको छ भने वित्त, उत्पादन तथा प्रशोधन र अन्य उपसमूहको परिसूचक ४ प्रतिशतभन्दा बढी बढेको छ।
