संस्थागत लगानीकर्ताको सुचिमा थप आठ कम्पनी

काठमाडौं,चैत्र २५, स्मार्ट अक्षर संम्वाददाताः

नेपाल धितोपत्र बोर्डले थप ८ वटा संस्थालाई योग्य संस्थागत लगानीकर्ताको रुपमा काम गर्न स्वीकृती दिएको छ । यो संगै योग्य संस्थागत लगानीकर्ताको रुपमा काम गर्ने संस्थाको संख्या ९५ पुगेको छ।

बोर्डले चैत २३ गते नेपाल दुरसंचार कम्पनी, नेपाल इन्फ्रास्टक्चर बैंक, महालक्ष्मी विकास बैंक, सानिमा लार्ज क्याप फण्ड, प्रभु सेलेक्ट फण्ड, अल्का इन्भेष्टमेन्ट प्रा.लि, स्काई टच इन्भेष्टमेण्ट एण्ड कन्सल्टेण्ट र टेलिभेञ्चर पार्टनर्सलाई योग्य संस्थागत लगानीकर्ताको मान्यता दिएको हो ।

बोर्डले यस अघि ८७ वटा कम्पनीलाई मान्यता दिएको थियो।