काठमाडौं,चैत्र २२, स्मार्ट अक्षर संम्वाददाताः
आधुनिक फिचर लोडेड मोटरसाइकलको मूल्य बढ्दै गएको छ । हिरोको आधिकारिक विक्रेता एनजीएमले २ लाख ७६ हजार मूल्य तोकेर आधुनिक कनेक्ट फिचर भएको मोटरसाइकल नेपालमा विक्री सुरु गरेको हो ।
कम्पनीले सार्वजनिक गरेको ग्ल्यामर १२५ स्मार्ट कनेक्ट फिचर सहित आएको कारण अहिले चर्चा बटुल्न सफल भएको छ । साथै, हिरो ग्ल्यामर १२५ सीसी सेग्मेन्टमा नै पहिलो कनेक्ट फिचर भएको मोटरसाइकल बनेको छ ।
होन्डा साइन, टीभीएस रेडर, बजाज पल्सर जस्ता मोटरसाइकलसँग प्रतिस्पर्धा गर्ने ग्ल्यामरमा १२४.७ सीसी सिंगल सिलिन्डर एयर कुल्ड, बीएस ६ इन्जिन रहेको छ । यो इन्जिनले १०.७ बीएच पावर तथा १०.४ एनएम टर्क जेनेरेट गर्छ । यसमा ५ स्पीडको गियर उपलब्ध छ ।
साथै, यो मोटरसाइकलमा नेभिगेशन, एसएस फोन अर्लट, साइड स्ट्याण्ड इन्जिन कट सेन्सर, चार्जिङ पोट, एलइडी डीआरएल, अलाय ह्वील जस्ता फिचर पाउन सकिन्छ ।
