सर्लाही – पूर्वपश्चिम राजमार्गमा पर्ने सर्लाहीको बागमती नगरपालिका–११ मा रहेको रायमाझी चोकमा बस दुर्घटना हुँदा तीन जनाको ज्यान गएको छ । ३० जनाभन्दा धेरै घाइते भएका प्रहरीले जनाएको छ । आज बिहान चोकमा रोकेर राखेको लरीमा बस ठोक्किँदा रुपन्देहीको मायादेवी गाउँपालिकाका हरिबहादुर चौधरी, दशरथ कोहार र रामकरण केवटको ज्यान गएको हो ।
घटनालगत्तै उद्धार गरी उनीहरुलाई हरिवनको नमूना अस्पताल पुर्याएकामा चिकित्सकले मृत घोषणा गरेका इलाका प्रहरी कार्यालयका प्रहरी निरीक्षक अनिलराज गिरीले जानकारी दिनुभयो ।
रुपन्देहीबाट जनकपुरतर्फ आइरहेको बस दुर्घटना भएको हो । बसमा ४० जना रहेका प्रहरीले जनाएको छ । दुर्घटनामा घाइते हुनेहरुको जनकपुर, वीरगञ्ज तथा स्थानीय अस्पतालमा उपचार भइरहेको छ ।
Comments
Share
