राप्रपाले चैत २७ गते गरेको आन्दोलनका घाइते डाँगीको उपचारका क्रममा निधन

काठमाडौँ –  राप्रपाले चैत २७ गते गरेको आन्दोलनमा घाइते भएका ठाकुरप्रसाद डाँगीको उपचारका क्रममा निधन भएको छ । सैनिक अस्पताल छाउनीमा उपचारका क्रममा निधन भएको राप्रपाका प्रवक्ता मोहन श्रेष्ठले जानकारी दिए ।

उनका अनुसार आन्दोलनका क्रममा प्रहरीको अश्रग्यासबाट डाँगी गम्भीर बिरामी परेका थिए । त्यसपछि उनलाई उपचारका लागि अस्पतालमा भर्ना गरिएको थियो । उपचारकै क्रममा उनको निधन भएको बताउँदै श्रेष्ठले यसको जिम्मेवारी सरकारले लिनुपर्ने बताए ।

श्रेष्ठले दिएको जनकारीअनुसार उच्च रक्तचाप र अश्रुग्यास प्रहारबाट डाँगीको टाउको र श्वासप्रश्वासमा समस्या देखिएको थियो ।