काठमाडौँ- सरकारले काठमाडौँस्थित माइतीघरदेखि बानेश्वरसम्म कायम गरिएको निषेधित क्षेत्र हटाएको छ ।
गृह मन्त्रालयको निर्देशनमा काठमाडौँ जिल्ला प्रशासनले निषेधित क्षेत्र हटाएको हो । काठमाडौँ जिल्ला प्रशासनले सुरक्षा चुनौती विश्लेषण गरेर निषेधाज्ञा हटाइएको जनाएको छ ।
“…हाललाई सुरक्षा चुनौती विश्लेषणसमेतका आधारमा जिल्ला सुरक्षा समिति, काठमाडौँको मिति २०८०/१२/३० को सिफारिस अनुसार माइतीघर मण्डलादेखि बानेश्वर (कृष्ण टावर) सम्मको क्षेत्रलाई मिति २०८१/०१/०१ देखि उक्त निषेध आदेश कायम नरहने बेहोरा सम्बन्धित सबैलाई सूचित गरिन्छ,” सहायक प्रमुख जिल्ला अधिकारी हरिप्रसाद शर्माले एक सूचनामार्फत भनेका छन् ।
प्रशासनले गएको फागुन ४ गते दुई महिनासम्मका लागि निषेधित क्षेत्र घोषणा गरेको थियो ।
जसलाई लिएर सरकारको चौतर्फी आलोचना भएको थियो ।
Comments
Share
