भदौ १५ गते दिइएको सार्वजनिक बिदामा सूचना उल्लंघन गर्दै बिदा नदिने विद्यालयलाई कारवाही गरिने

काठमाडौँ – महानगरपालिकाले भदौ १५ दिइएको सार्वजनिक बिदामा केही विद्यालय सञ्चालन गरिएको भन्दै कारवाही गर्ने भएको छ । महागरले शुक्रवार विज्ञप्ति जारी गर्दै सूचना उल्लंघन गर्दै बिदा नदिइएको विषयमा गम्भीर ध्यानाकर्षण भएको जनाएको  छ ।

विज्ञप्तिमा स्थानीय सरकारले गरेको निर्णय पालना नगरेमा प्रचलित कानूनबमोजिम कारवाही हुने समेत उल्लेख छ । ‘स्थानीय सरकारले गरेको निर्णय अनिवार्य रूपमा पालना गर्न सबैमा अनुरोध गर्दै यो सूचना विपरीत गरेमा प्रचलित कानूनबमोजिम कारबाही हुने व्यहोरा सम्बन्धित सबैमा सूचित गरिन्छ’, सूचनामा भनिएको छ ।

महानगरले शुक्रवार सार्वजनिक बिदा दिएको थियो । तर, बिदामा पनि केही विद्यालयहरू खुलेका थिए ।