काठमाडौँ – विवादास्पद अभिव्यक्ति दिएकी अधिवक्ता भगवती पाण्डे ‘शीतल’ विरुद्ध पक्राउ पुर्जी जारी भएको छ।
पाण्डेविरूद्ध केही दिनअघि नेपाल तामाङ घेदुङ र नेपाल मगर संघको तर्फबाट दिइएको उजुरीका आधारमा पक्राउ पुर्जी जारी भएको जिल्ला प्रहरी परिसर काठमाडौँले जनाएको छ।
तामाङ र मगरसमुदायले जातीय भेदभावसहित दुईवटा कसुरमा कारबाही गर्न पाण्डेविरुद्ध जाहेरी दिएपछि उनलाई समात्न प्रहरीले अदालतबाट अनुमति लिएको हो।
उनको खोजी भइरहेको प्रहरीले जनाएको छ। राष्ट्रिय टेलिभिजनको एक अन्तरवार्तामा पाण्डेले मुस्लिम, मगर, तामाङलगायत समुदायमा दाजुबहिनी बीच विवाह हुने गरेको भन्दै गलत व्याख्या गरेपछि विवादमा तानिएकी हुन्।
अहिले उनलाई पक्राउ गरी कारबाही गर्न भन्दै विभिन्न आदिवासी जनजाति संघ–संगठन र अभियन्ताहरुले आवाज उठाइरहेका छन्।
नेपाल तामाङ घेदुङ र नेपाल मगर संघले अधिवक्ता पाण्डेको अभिव्यक्तीलाई लिएर जाहेरी दिएपछि किराँत याक्थुङ चुम्लुङ, सुनुवार सेवा समाज, आदिवासी जनजाति साहित्यकार/लेखक महासंघ नेपाल, राष्ट्रिय अदिवासी जनजाति महिला महासंघ, विभेदकारी कानुन खारेजी अभियान, राजनीतिलक दल निकट संघ÷संगठनले विज्ञप्ति जारी गरेर दबाब सिर्जना गरेका छन्।
अधिवक्त पाण्डले तामाङलगायतका समुदायमा रहेको मौलिक संस्कार र परम्परालाई अपमान गरेकोले कुनै पनि हालतमा पक्राउ गरी कारबाही गर्नुपर्ने नेपाल तामाङ घेदुङले बताएको छ।
घेदुङले राष्ट्रिय मानवअधिकार आयोग, आदिवासी जनजाति आयोगलगायतमा पनि ध्यानकषर्ण पनि गराएको जनाएको छ।
