नयाँ मौद्रिक नीतिले अर्थतन्त्र चलायमान बन्ने अर्थमन्त्री महतको दाबी

काठमाडौँ – अर्थमन्त्री डा.प्रकाशशरण महतले चालु आर्थिक वर्षका लागि राष्ट्र बैंकले ल्याएको नयाँ मौद्रिक नीतिले अर्थतन्त्र चलायमान हुने दाबी गर्नुभएको छ ।

आज बुटवलमा भएको पत्रकार सम्मेलनमा बोल्दै उहाँले नयाँ मौद्रिक नीतिले लगानीको वातावरण सहज बनाउने बताउनुभयो । उहाँले मौद्रिक नीतिमा आफूले भन्दै आएको ब्याजदरमा खुकुलो पार्नलाई सम्बोधन गरिएको बताउनुभयो । मन्त्री महतले अब निजी क्षेत्रमा लगानी सहज हुने, ब्याजदर घट्दै जाने बताउनुभयो । हिजो मौद्रिक नीति सार्वजनिक भएको थियो ।

फरक प्रसङ्गमा अर्थमन्त्री महतले सूचना दिनेलाई पुरस्कारको व्यवस्था भएका कारण सय किलो सुन पक्राउ परेको बताउनुभयो । उहाँले भन्सारमा आधुनिक मेसिन जडान गर्नुपर्ने आवश्यकता रहेको पनि बताउनुभएको छ ।