महावीर पुन र सरकारबीच ७ बुँदे सहमति, धर्नालगायत सबै आन्दोलन अन्त्य

काठमाडौँ – विभिन्न माग राखेर आन्दोलन गरिरहेका राष्ट्रिय आविष्कार केन्द्रका अध्यक्ष महावीर पुन र सरकारबीच सोमबार ७ बुँदे सहमति भएको छ।

उपप्रधानमन्त्री तथा रक्षामन्त्री पूर्णबहादुर खड्का र केन्द्रका अध्यक्ष पुनबीच भएको वार्तामा अनुसन्धान तथा विकास, नवप्रवर्तन तथा आविस्कारसम्बन्धी काम एकीकृत रुपमा सञ्चालन गर्न सरकारले कोष स्थापना गर्नेलगायत सहमति भएको छ।

सरकारसँग सहमति भएसँगै गत शुक्रबार पुनले काठमाडौंको माइतीघरमा गर्दै आएको आन्दोलन स्थगित भएको छ।