प्रधानमन्त्री ‘प्रचण्ड’द्वारा सरकारका सचिवहरूको रिपोर्ट सुनेपछि आज सम्बोधन गर्ने तयारी

काठमाडौं – प्रधानमन्त्री पुष्पकमल दाहाल ‘प्रचण्ड’ले आज सरकारका सचिवहरूलाई निर्देशनात्मक सम्बोधन गर्ने भएका छन् । सोमबार सिंहदरबारमा सचिवहरूसँग छलफल गरेका प्रधानमन्त्री प्रचण्डले आज संबोधन गर्न लागेका हुन् ।

प्रधानमन्त्रीको सचिवालयका अनुसार प्रचण्डले सचिवहरूको रिपोर्ट सुनेपछि आज  निर्देशनात्मक सम्बोधन गर्ने तयारी गरेका हुन् । “प्रधानमन्त्रीज्यूले सचिवहरूको कुरा र उहाँहरूको रिपोर्ट सुन्नु भएको छ । यसैका आधारमा आज प्रधानमन्त्रीले निर्देशनात्मक सम्बोधन गर्ने कार्यसूची छ,” सचिवालयले भनेको छ ।