काठमाडौं – नेपाली कांग्रेसको संसदीय दलको निर्वाचन चलिरहेको छ। बिहान ८ बजे सुरु भएको मतदान १० बजेसम्म सकिने निर्वाचन समितिले जनाएको छ ।
मतदान कांग्रेसको संसदीय दलको कार्यालय सिंहदरबार परिसरमा हुँदैछ । अहिले मतदाता संसदीय दलको कार्यालय पुगेर मतदानमा सहभागी भइरहेका छन् ।
कांग्रेस संसदीय दलमा ८९ सांसदले निर्वाचन प्रकृयामा भाग लिनेछन् । मतगणना र परिणाम आजै घोषणा हुँदै छ ।
लामो समयदेखि नेतृत्व परिवर्तनको आवाज उठाउँदै आएका वरिष्ठ नेता रामचन्द्र पौडेल मुद्दा विसर्जन गर्दै देउवाकै प्रस्तावक बसेका छन् । पौडेलको प्रस्तावमा पूर्णबहादुर खड्का समर्थक छन् । उता गगन थापाको प्रस्तावकमा शेखर कोइराला छन् भने युवा नेताहरू धनराज गुरुङ, विश्वप्रकाश शर्मा र प्रदीप पौडेलले समर्थन गरेका छन् ।
महामन्त्री थापाको प्रस्ताव डा. शेखर कोइराला बनेका छन् । थापालाई पार्टी संसदीय दलको नेता बनाउने शेखरको प्रस्तावको समर्थकमा उपसभापति धनराज गुरुङ, अर्का महामन्त्री विश्वप्रकाश शर्मा र नेता प्रदीप पौडेल बसेका छन् ।
यसैबीच, देउवाको पक्षमा रहेका भनिएका प्रकाशमान सिंह, शशांक कोइराला लगायत नेताको घरमै पुगेर थापाले आफूलाई सहयोग गर्न आग्रह गरेका छन् ।
देशमा युवालाई आगाडि ल्याउने आवाज उठिरहेको बेला कांग्रेसमा त्यो अवस्था नदेखिएपनि महामन्त्री गगन थापा आफै अगाडि सरेका छन् । उमेरले राजनितीको समय सिमा तय नगर्ने सोच भएका पार्टि सभापति देउवाको बिरुद्ध थापा कत्तिको सफल हुन्छन् परिणामले देखाउने छ ।
