काठमाडौं मोबाइल एमडीएमएस प्रणालीमा दर्ता भएको छ’– नेपाल दूरसञ्चार प्राधिकरणले बिहीबार सबै मोबाइल डिभाइसहरूमा पठाएको सन्देश हो यो । मोबाइल फोनको अवैध आयात र बिक्रीवितरण रोक्ने उद्देश्यले प्राधिकरणले कार्यान्वयनमा ल्याएको मोबाइल डिभाइस म्यानेजमेन्ट सिस्टम (एमडीएमएस प्रणाली) बारे धेरैजसो प्रयोगकर्ता जानकारी छैन ।
नेपालभित्र प्रयोगमा रहेका मोबाइल डिभाइसहरूको आईएमईआईरईएसएनरएमईआईडी नम्बर अनलाइनबाट दर्ता गर्ने प्रयोजनका लागि एमडीएमएस सिस्टम ल्याइएको हो । यसलाई आवश्यक पर्दा मोबाइल डिभाइसहरू पत्ता लगाउन र अनधिकृत सेटहरूको सेवा बन्द गर्न प्रयोग गरिन्छ । भदौ ३० पछि नेपाल आउने फोनहरू अनिवार्य रूपमा दर्ता गरिएका हुनुपर्ने प्राधिकरणले जनाएको छ । दर्ता नगरेमा फोन गर्न, उठाउन र मोबाइल इन्टरनेटको प्रयोग गर्न मिल्दैन ।
विदेशमा रहेका आफन्त वा साथीभाइले उपहारमा वा खरिद गरेर पठाएका फोनको हकमा प्रयोगकर्ता स्वयंले आईएमईआई नम्बर दर्ता गर्नुपर्छ । प्राधिकरणको वेबसाइटमा गएर त्यहाँ रहेको ‘मोबाइल सेट्स आईएमईआईरईएसनरएमईआडी रेजिस्ट्रेसन’ मा क्लिक गरी दर्ता गर्न सकिन्छ । यसका लागि शुल्क लाग्दैन ।
विदेशबाट आउँदा यात्रुले बढीमा दुइटा मोबाइल सेट ल्याउन पाउँछन् । त्योभन्दा बढी ल्याएमा भन्सार शुल्क तिर्नुपर्छ । आईएमईआई दर्ता गराउँदा भन्सारको रसिद, नागरिकता, पासपोर्ट,भिसाको तस्बिर पेस गर्नुपर्ने हुन्छ ।
विदेशबाट ल्याइएका फोनमा नेपाल टेलिकम, एनसेल वा स्मार्टसेलका सिमकार्ड हालेपछि ती डिभाइस एमडीएमएसमा दर्ता नभएको पाइएमा दर्ताका लागि दुई साताको अवधि दिइने प्राधिकरणले जनाएको छ । त्यो अवधिमा दर्ता नगरे मोबाइल सेवा बन्द हुन्छ । अवैध रूपमा भित्रिने मोबाइलहरूलाई प्रतिबन्ध गर्न र सर्वसाधारणको मोबाइल तथा सिमको अनधिकृत प्रयोगलाई कानुनी दायरामा ल्याउन एमडीएमएसको भूमिका रहने बताइएको छ । ‘यसले हराएका र चोरी भएका मोबाइलहरूको खोजी कार्यमा सहयोग गर्दछ ।
