काठमाडौं- काठमाडौं महानगरपालिका भित्र अण्डरग्राउण्ड पार्किङ ब्यवस्थापन गर्न नगरप्रहरी सक्रिय भएको छ । । मापदण्ड विपरित पार्किङ स्थललाई पनि व्यापारीक प्रयोजनमा ल्याइएका स्थानहरु पहिचान गरी ३५ दिने अल्टिमेटम दिएको समय सिमा सकिएसँगै महानगर सक्रिय भएको हो ।
अहिले बानेश्वर क्षेत्रको पार्किङस्थल हटाइरहेको छ ।
महानगरले घर र भवन निर्माण पास भएको नक्सा अनुसार अण्डरग्राउण्ड पार्किङको प्रयोग गर्न महानगरले साउन १ गते अल्टिमेटम दिएको थियो । नगरप्रहरी बलका प्रमुख एसपी राजु पाण्डेले भने, “हामीले ३५ दिने सूचना जारी गरेर पार्किङ हटाउन भनेका थियौँ । सो सूचना अटेर गरेर नहटाउनेलाई कारबाही गर्छौं ।”
महानगरका मेयर बालेन्द्र शाह (बालेन)ले पनि अनुगमन गर्नेछन् । काठमाडौंमा लामो समयदेखि सवारी साधन पार्किङको समस्या छ । मापदण्ड अनुसार व्यापारिक भवनमा अनिवार्य अण्डरग्राउण्ड पार्किङ बनाइए पनि महानगरले मापदण्ड लागु गर्न सकेको छैन ।
