सामाजिक सञ्जालको प्रयोग सकारात्मक तवरले गनुपर्ने: प्रमुख निर्वाचन आयुक्त

काठमाडौं – प्रमुख निर्वाचन आयुक्त दिनेशकुमार थपालियाले निर्वाचनमा सामाजिक सञ्जालको प्रयोग सकारात्मक तवरले गनुपर्ने बताएका छन् ।

सामाजिक सञ्जालको प्रयोगलाई नरोकिने भए पनि त्यसको नकारात्मक पक्षमा भने ध्यान दिनुपर्ने उनको जोड छ ।

आइतबार बिहान ललितपुरमा आयोजित एक अन्तरक्रिया कार्यक्रममा उनले निर्वाचनमा सामाजिक सञ्जाललाई ‘नाइँ’ भन्न नसकिने तर ‘हाई’ भन्न मनले नमान्ने टिप्प्णी गरे ।

“निर्वाचनमा सामाजिक सञ्जाललाई नाइँ पनि भन्न नसकिने रहेछ, हाई पनि भन्न मनले नमान्दो रहेछ,” उनले भने ।

आउँदो मंसिर ४ गते प्रतिनिधिसभा र प्रदेशसभा सदस्य निर्वाचन एकै चरणमा गरिने तय छ । त्यसकै सन्दर्भमा अन्तरक्रिया गरिएको हो ।