नागरिकतासम्बन्धी विधेयक पारित गर्न हतार गर्न नहुने: नेकपा (एमाले)

काठमाडौं-  प्रमुख प्रतिपक्ष दल नेकपा (एमाले)ले नागरिकतासम्बन्धी विधेयक पारित गर्न हतार गर्न नहुने भन्दै सर्वदलीय बैठक आह्वानको माग गरेको छ ।

प्रतिनिधिसभाको कार्यव्यवस्था परामर्श समितिको आजको बैठकमा एमाले सांसदले प्रधानमन्त्री शेरबहादुर देउवाले सर्वदलीय बैठक बोलाउनुपर्ने माग गरेका हुन् ।

बैठकमा एमालेबाट प्रमुख सचेतक विशाल भट्टराई, कृष्णभक्त पोखरेल, शेरबहादुर तामाङ सहभागी थिए । “छलफलका लागि सर्वदलीय बैठक बोलाउनुपर्छ भनेको छु,” बैठकपछि तामाङले भने ।

राष्ट्रपति भण्डारीले पुनर्विचार गर्नका लागि फिर्ता पठाइएको उक्त विधेयक आजको प्रतिनिधिसभा बैठकबाट पारित गर्ने तयारी गरिएको समयमा एमालेको उक्त प्रस्ताव आएको हो ।