काठमाडौं- प्रधानन्यायाधीश चोलेन्द्र शमशेर जबराको महाभियोगबारे प्रतिनिधि सभाको भोलिको बैठकमा छलफल हुने भएको छ । अन्ततः लामो समय पछि महाभियोगबारे बिषयले संसदमा प्रवेश पाउन लागेको छ । संघीय संसद सचिवालयले सार्वजनिक गरेको सम्भावित कार्यसूचीमा जबराको महाभियोगबारेमा छलफल हुने उल्लेख छ ।
“०७८ फागुन २९ गतेको बैठकमा देवप्रसाद गुरुङ्गले नेपालको संविधानको धारा १०१ को उपधारा २ एवं प्रतिनिधि सभा नियमावली, २०७५ को नियम १६१ को उपनियम १ बमोजिम प्रस्तुत गर्नुभएको प्रधान न्यायाधीश चोलेन्द्र शमशेर जबराविरुद्ध दर्ता भएको महाभियोगको प्रस्तावमाथि छलफल हुने छ,” सम्भावित कार्यसूचीमा उल्लेख छ ।
त्यस्तै राष्टपतिको कार्यलयबाट प्राप्त बिधेयक प्रमाणीकरणको पत्र सभामुखद्वारा पढेर सुनाउने तथा महालेखा परिक्षकको प्रतिवेदन २०७९ लाई प्रधानमन्त्रिद्वारा संसदमा पेस गर्नुहुने लगायतका कार्यक्रमहरु भोलीको बैठकमा प्रस्तुत हुने छन् ।
