रिक्त उपसभामुख पदको असार ३१ गते निर्वाचन हुने

काठमाडौं –सभामुख अग्निप्रसाद सापकोटाले आज प्रतिनिधि सभाको उपसभामुख चयनको लागी असार ३१ गतेलाई  निर्वाचन मिति तोकेका छन् ।   लामो समय देखि रिक्त उपसभामुख पदको आज निर्वाचन तोक्ने कार्यसूची रहेकोमा असार ३१ गतेको लागि  मिति तोकेका हुन् ।

प्रतिनिधिसभा नियमावली २०७५ को नियम ८ बमोजिम सभामुखले समय र मिति तोक्नुपर्ने प्रावधान रहेको छ। तत्कालीन उपसभामुख शिवमाया तुम्बाहाङ्फेले राजीनामा दिएपछि उपसभामुख पद रिक्त रहेकाे थियाे । प्रतिनिधिसभा उपसभामुख पद २०७६ माघदेखि रिक्त हुँदै आएको छ।