काठमाडौं – काठमाडौं महानगरपालिकाको जारी मतगणनामा मेयरका स्वतन्त्र उम्मेदवार बालेन साहले ३४ हजारभन्दा बढी मत ल्याएका छन् । ९५ हजार ८७७ मत गन्दा बालेनले ३४ हजार ४८७ मत ल्याएका हुन् ।
उनका निकटतम प्रतिद्वन्द्वी नेकपा एमालेका केशव स्थापितले १९ हजार १५० मत ल्याएका छन् । केशवसँग बालेनको १५ हजार ३३७ को मतान्तर छ । सत्ता गठबन्धनकी उम्मेदवार नेपाली कांग्रेसकी सिर्जना सिंहले १८ हजार ८३१ मत पाएकी छन् ।
चितवन– चितवनको भरतपुर महानगरपालिकामा ७६ हजार ५६६ मतगणना सकिएको छ ।
रेनुले २९ हजार ६७५ मत पाएकी छन् । नेकपा एमालेका उमेदवार विजय सुवेदीले २३ हजार ८६१ मत ल्याएका छन् । रेनु विजयभन्दा ५ हजार ८१४ मत अन्तरले अगाडि छन् ।
स्वतन्त्र उमेदवार जगन्नाथ पौडेलले १० हजार ४२४ मत प्राप्त गरेका छन् । भरतपुरमा एक लाख २७ हजारभन्दा बढी मत खसेको थियो ।
पोखरा – अहिलेसम्म ८६ हजार २५७ मतगणना गरिएको छ ।
पछिल्लो गणनाअनुसार प्रमुख पदमा सत्ता गठबन्धनका तर्फबाट नेकपा (एकीकृत समाजवादी)का उमेदवार धनराज आचार्यको अग्रता कायमै छ । उनले ३४ हजार ८१९ मत पाएका छन् । नेकपा (एमाले)का उमेदवार कृष्ण थापाले ३१ हजार ३७४ मत ल्याएका छन् ।
