भरतपुरको मेयरमामाओवादी केन्द्रकी रेनु दाहाललाई १२ सय ५२ मतान्तरले अग्रता

चितवन-भरतपुर महानगरपालिकाको मेयरमा नेकपा (माओवादी केन्द्र)की रेनु दाहालले मतान्तर बढाउँदै लगेकी छन् । पछिल्लो विवरणअनुसार २५ हजार ८५८ मत गणना हुँदा उनले १२ सय ५२ मतान्तर बनाएकी छन् ।

उनले ९ हजार २४६ मत प्राप्त गरेकी छन् ।

उनका निकटत प्रतिद्वन्द्वी एमालेका विजय सुवेदीले ७ हजार ९९४ मत पाउँदा स्वतन्त्र उमेदवार जगन्नाथ पौडेलले ४ हजार १९१  मत प्राप्त गरेका छन् । अहिले वडा नम्बर ६ को मतगणना भइरहेको छ ।

उपमेयरमा कांग्रेसका चित्रसेन अधिकारीले ११ हजार ३५ मत प्राप्त गरेका छन् भने राप्रपाकी हिमला गुरुङले ६ हजार २२५ मत प्राप्त गरेकी छन् ।