सिरहा नगरपालिका १० को वडा अध्यक्षमा नेकपा एमालेका दीपक मुखियाको प्यानलै विजयी भएको छ । मुखियाले ८५३ मत ल्याएका विजयी भएका हुन् । उनको निकटतम प्रतिस्पर्धी नेपाली कांग्रेसका धनिकलाल कामतीले ३४८ मत पाएका छन् ।
इलामको सूर्योदय नगरपालिकामा नेपाली कांग्रेसले विजयी सुरुवात गरेको छ। वडा नम्बर १ को मतगणना सम्पन्न हुँदा सबै पदमा कांग्रेसले क्लिन स्विप गरेको छ।
अध्यक्षमा राजकुमार लिम्बुसहित अन्य चार वडा सदस्य पनि कांग्रेसले जितेको छ। विजयी राजकुमार लिम्बुले ८७३ मत प्राप्त गरे। नेकपा(एस) दोस्रो भयो।
काभ्रेको नमोबुद्ध नगरपालिका वडा नम्बर–१ को वडाध्यक्ष पदमा स्वतन्त्र उमेदवार विजयी भएका छन् । जेब्रा चुनाव चिह्नबाट उमेदवार बनेका प्रेमबहादुर तामाङ १०९ मतान्तरले विजयी भएका हुन् ।
वडामा खसेको कुल एक हजार ४२१ मध्ये तामाङले ५५६ मत प्राप्त गरेका छन् । उनका निकटतम प्रतिस्पर्घी नेकपा (एमाले)का निरोज पाण्डेले ४४७ मत ल्याएका छन् ।
तेस्रो स्थानमा रहेका नेपाली कांग्रेसका गाना बज्र लामाले २०८ मत पाएका छन् ।
बझाङको साइपाल गाउँपालिकाम नेकपा एमालेले अध्यक्ष र उपाध्यक्षसहित बहुमत वडा जितेको छ ।
अध्यक्षमा एमालेका मानबहादुर बोहोरा ६७५ मतसहित निर्वाचित भएका छन् । निकटतम प्रतिद्वन्द्वी नेपली कांग्रेसका उज्ज्वल बोहोराले ६१३ मत प्राप्त गरेका छन् ।
रसुवाको गोसाईकुण्ड गाउँपालिका-४ को वडाध्यक्षसहित नेपाली कांग्रेस प्यानल नै विजयी भएको छ । नेपाली कांग्रेसका डिण्डु लामा ज्याबा तामाङले १ सय ६६ मत ल्याएर विजयी भए । उनका निकटम प्रतिस्पर्धी एमालेका तेम्बा लामाले १ सय ३६ मत ल्याए ।
बागलुङको ताराखोला गाउँपालिकामा गठबन्धनले जितेको छ । अध्यक्षमा गठबन्धनबाट माओवादीका धनबहादुर विक २२८५ मतसहित विजयी भएका छन् ।
