विराटनगर, चैत्र ३०
नेकपा एमालेका अध्यक्ष केपी शर्मा ओलीले वर्तमान गठबन्धन सरकारलाई हटाएपछि मात्र मुलुकको अर्थतन्त्र सही दिशामा अघि बढ्ने बताएका छन् । विराटनगर विमानस्थलमा आज दिउँसो सञ्चारकर्मीहरुसँग कुराकानी गर्दै अध्यक्ष ओलीले भ्रष्ट गठबन्धन सरकारका कारण अर्थतन्त्र विग्रदै गएको बताएका हुन्।
बर्तमान सरकार भ्रष्ट भएकाले ९ महिनामै अर्थतन्त्र ध्वस्त भएको भन्दै अध्यक्ष ओलीले यो सरकारलाई डस्टवीनमा फालेपछि मात्र अर्थतन्त्र सुध्रने प्रतिक्रिया दिए । आफु नेतृत्वको अघिल्लो सरकारका कारण अर्थतन्त्र गलत दिसामा गएको भन्नेहरुमा मानसिक समस्या हुनसक्ने ओलीले बताए । ‘९ महिनामै अर्थतन्त्र ध्वस्त पार्ने अनि अघिल्लो सरकारलाई दोष दिनेहरुमा मानसिक समस्या हुनसक्छ, उपचार गराउँनुपर्छ,’ ओलीले भने, ‘अर्थतन्त्र सुधार्न यो गठबन्धनको भ्रष्ट सरकारलाई डस्विनमा फाल्नुपर्छ ।’ गर्भनरलाई कारबाही गर्नु गलत भएको भन्दै उनले सबैले यसको विरोध गर्नुपर्ने धारणा राखेका छन् ।
