काठमाडौं,चैत्र १४ , स्मार्ट अक्षर संम्वाददाताः भारतीय फिल्मको व्यापारमा नयाँ फिल्म आरआरआरले नयाँ किर्तीमानी राखेको छ। यो फिल्मले भारतमा प्रदर्शन भएको दुई दिनमै २५० करोडको व्यापार गरेको छ । यस्तै यो फिल्मले भारत बाहेक अन्तराष्ट्रिय बजारमा १ सय करोड भन्दा माथिको व्यापार दुई दिनमा गरेको छ ।
दक्षिण भारतीय स्टाहरु रामचरण तेजा, जुनियर एनटिआर, बलिउड अभिनेता अजय देवगन अभिनेत्री आलिया भट्टलगायतको मुख्य भूमिका रहेको यो फिल्मले भारतको सबै स्टेशनमा हाउसफुलका साथ व्यापार गरिरहेको छ । आईतबार पनि त्यत्तिकै राम्रो व्यापार भएको बताईएको छ ।
बाहुबलिका निर्माता निर्देशक एसएस राजामौलीले यो फिल्म निर्माण तथा निर्देशन गरेका हुन् । फिल्मको लगानी नै ५५० करोडको रहेको छ । त्यसैले यो फिल्मले भारतबाटै १००० करोडको व्यापार गर्ने आशा उनले गरेका छन् । आफुले बाहुबली भन्दा आरआरआर १० गुना राम्रो फिल्म बनाएको निर्देशक राजामौलीले बताएका छन् । अहिलेसम्म दर्शकले पनि बाहुबली भन्दा राम्रो फिल्मको रुपमा यसलाई लिएका छन् ।
बाहुबलीले विश्वव्यापी रुपमा १५०० करोडको व्यापार गरेको थियो । त्यो भन्दा बढी व्यापार आरआरआरले गर्ने भनाई यी निर्देशकको छ ।
