काठमाडौं – व्यापक बाढीले दक्षिणी थाइल्याण्डमा कम्तिमा दुई लाख परिवारलाई असर गरेको बताइएको छ। अधिकारीहरूले बिहीबार सार्वजनिक गरेको प्रतिवेदन अनुसार सबै प्रभावित क्षेत्रहरूमा बाढी क्रमशः सुधारोन्मुख अवस्थामा भएकाले पानीको निकास र थप मानवीय क्षतीहुनबाट जोगाउन पीडितहरूको उद्धार कार्य तीव्र गतिमा अगाडि बढाइएको विपद् रोकथाम तथा न्यूनीकरण विभागले जनाएको छ।
लगातार खतराको संकेतहरुमार्फत स्थानियहरुलाई सचेत गराइएको छ ।
बाढीले छ वटा दक्षिणी प्रदेशका नखोनसी थम्मरात, फत्थलुङ, सोङ्खला, पट्टनी, याला र नराथीवाट लगायात ५७ जिल्लाबाट २ लाख १० हजार ५ सय ५२ घरधुरी प्रभावित भएको डीडीपीएमले जनाएको छ।
बुधबार बाढी प्रभावित क्षेत्रबाट सातवटा शव फेला परेको र दुई जना घाइते पनि भेटिएको विभागले उल्लेख गरेको छ। थाइल्यान्डको खाडी र दक्षिणी क्षेत्रमा उत्तरपूर्वी मनसुनले प्रभाव पारेपछि आएको बाढीले आइतबारदेखि बुधबारसम्म भारी वर्षा भएको थियो। उक्त वर्षाले भीषण बाढी र हावाहुरी ल्याउँदा ठूलो भौतिक क्षति भएको छ।
बाढीले यालाका करिब २३९ गाउँ डुबानमा परेका छन् भने घर, सडक, पुल, विद्युत लाइनमा क्षति पुगेको छ । बाढीबाट नखोन सि थम्मरात प्रान्तमा १० हजार र सोङखला प्रदेशमा ११ हजार ६ सय घरधुरी प्रभावित भएका छन् ।
बाढीका कारण जनजीवन अस्तव्यस्त भएको छ । उक्त क्षेत्रमा भारी वर्षाले धेरै नदीहरूले खतराको संकेत पार गरेका थिए ।
