काठमाण्डौं- शैनिक-कू मार्फत् सत्ता हत्याएका म्यानमारका शासकले संकटकाल लम्बाएका छन्।
समाचार संस्था एएफपीले म्यानमारको सरकारी समाचार पत्रलाई उद्धृद गर्दै सैनिक शासक मिन आङ ह्लाइङले आपतकालिन अवस्थालाई थप छ महिनाको लागि लम्ब्याएको घोषणा गर्दै, देशलाई स्थिरतामा फर्कन र चुनावको लागि तयारी गर्न थप समय आवश्यक रहेको बताए ।
संघीय निर्वाचन आयोगलगायत सम्बन्धित निकायका लागि आवश्यक व्यवस्था आवश्यक छ। राजनीतिक दलहरूले नयाँ निर्वाचन प्रणालीमा उपयुक्त परिवर्तनहरू पनि गर्नुपर्दछ र जनतालाई पनि यसबारे व्यापक रूपमा शिक्षित गर्न आवश्यक छ त्यसैले हामीलाई तयारीका लागि थप समय चाहिन्छ,” मिन आङ ह्लाइङले राज्य नियन्त्रित एमआरटीभीमा भनेका थिए।
सेनाले आङ सान सुकीको नेतृत्वमा रहेको नागरिक सरकारलाई गिराएपछि सन् २०२१ को फेब्रुअरीमा पहिलो पटक आपतकालिन अवस्था घोषणा गरिएको थियो। गत जनवरीमा मिन आङ ह्लाइङले आपतकालिन अवस्थालाई ६ महिनाका लागि लम्ब्याएर आफूलाई प्रधानमन्त्री घोषणा गरेका थिए।
सुरूमा एक वर्षका लागि भनिएको संकटकाल थप्दै लगेर २०२२ को अगस्टसम्म पुर्याइएको थियो। अहिले फेरि संकटकाल थपिएको हो।
