काठमाडौं – युक्रेनमा रुसले आक्रमण गरेको दुई महिनाभन्दा बढी भइसकेको छ । यसै क्रममा संयुक्त राष्ट्रसंघका महासचिव एन्टोनियो गुटेरेसले पहिलो पटक युक्रेनको भ्रमण गरेका थिए । गुटेरेस युक्रेनको राजधानी किभमा रहँदा रकेट आक्रमण पनि भएको थियो । आफ्नो भ्रमणका क्रममा गुटेरेसले सुरक्षा परिषद्को पनि आलोचना पनि गरेका थिए ।
एन्टोनियो गुटेरेसले युक्रेनमा युद्ध रोक्न र अहिले युद्ध अन्त्य गर्न सुरक्षा परिषद असफल भएको बताए ।यो पक्कै पनि ठूलो निराशा, रिस र क्रोधको कारण भएको उनले बताए ।उनले थपे, “म यो स्पष्टसँग भन्न चाहन्छु कि यो आफ्नो क्षमता अनुसार युद्धलाई टार्ने र अन्त्य गर्ने प्रयासमा पूर्ण रूपमा असफल भएको छ।”
संयुक्त राष्ट्र सुरक्षा परिषद् विशेष गरी विश्व शान्ति र सुरक्षाको लागि हो, तर युक्रेन संकटको मामलामा यो पूर्ण रूपमा असफल भएको छ।फेब्रुअरीमा युक्रेनमा सुरु भएको युद्ध रोक्न नसकेको भन्दै आलोचना पनि भएको छ । युक्रेन सरकारले समेत यसको निन्दा गरेको छ ।
रूस संयुक्त राष्ट्र सुरक्षा परिषदको पाँच स्थायी सदस्यहरू मध्ये एक रूस हो र उसले यस मुद्दामा एक पटक भन्दा बढी आफ्नो भिटो शक्ति प्रयोग गरेको छ। बिहीबार, संयुक्त राष्ट्रका महासचिवले युक्रेनी राष्ट्रपति भोलोदिमिर जेलेन्स्कीसँग संयुक्त पत्रकार सम्मेलनलाई सम्बोधन गर्दै थिए।
आफ्नो सम्बोधनमा गुटेर्रेसले राष्ट्रपति जेलेन्स्की र युक्रेनका जनतालाई सम्बोधन गर्दै भनेका छन्, ‘हामी हार मान्दैनौं भन्नको लागि म यहाँ आएको हुँ । तर, उनले एकातिर सुरक्षा परिषद् ‘पक्षघातग्रस्त’ अवस्थामा रहँदा संयुक्त राष्ट्रसङ्घले अन्य महत्वपूर्ण कदम चालेको भन्दै राष्ट्रसंघको बचाउ पनि गरे ।
समाचार एजेन्सिहरुले बताएका छन्।
